Medikol Sip

MV YWAM PNG em i wanpela trening na medikol sip, na em i karim helt sevis, ol samting, na sapot i go long ol helt wokman long bus long olgeta hap bilong Papua Niugini.

YWAM MS i stat wok long PNG long 2010 wantaim namba wan sip bilong mipela, MV Pacific Link (wanpela Japan fising sip ol i wokim long 1979). I no longtaim na em i kamap klia olsem dispela sip em i liklik tumas bilong wok i stap long fran bilong en, na mipela i nidim wanpela bikpela sip i gat strong long sapotim helt sistem bilong PNG.

Long 2014, bihain long wanpela mirakel fandresing wok ($5.5 milien AUD i kam insait long faivpela mun!) mipela i baim MV YWAM PNG, wanpela liklik krus sip Austal i wokim long 1999. Bihain long planti wok, ol i senisim sip i kamap wanpela trening na medikol sip, wantaim wanpela dental klinik, wanpela de-prosija yunit, laboratri, fopela patrol boat, na ples slip bilong 130 volantia. Ol i rejistarim sip olsem wanpela helt ples long PNG, na em i wanpela mama sip long sapotim planti tim i wok long graun long wankain taim.

Long dispela rot, MV YWAM PNG em i wanpela nupela tul mipela i serim wantaim ol provins na distrik helt tim long karim helt sevis, ol samting, na sapot i go long ol helt wokman long bus.

Wantaim 291 ailan we ol manmeri i stap long en long PNG, 5,000 km nambis, na planti wara sistem, em i kamap klia moa olsem wanpela sip i no inap. Bihain long planti yia bilong toktok wantaim ol bikpela lain, mipela i wok strong long senis i go long planti liklik sip long kantri.

Joinim mipela long wanpela raun long MV YWAM PNG!